Şivan Perwer – Ya Star

🇹🇯 Kurmanci

Ya star ya hawar bê lo me be
Neyê serê tu kesî ya star ya hawar
Gur ketiye pezê me, dixwar kar û berxên me
Diz ketiye xana me, talan dike malê me
Fêsad ketin nava me, hev xistin bi kulfetê me
Dijmin kete qada me, perçe kir welatê me
Kor kirine heşê me, teng kirine dinya me
Dane ser me navê xwe, bo em bimînin kole
Dixwin hemû keda me aha ev e halê me
Daxwaziya me, em bibin dewlet, dibêjin win nebûne milet
Li dinyayê milet neman bê azadî û bê dewlet ji gelî me kurda
Dibêjin dîroka we nîne, farîsî ne erebî ne
Yan tirkî ne û li hev ketîne bingeha we qet çi nîne ax
Dibêjin rêziman nîne, zazakî ne kurmancî ne
Soranî ne loranî ne yan goranî ne kurd kî ne
Ne li ser yek mezheb û dîn e
Îslamî ne, xiristiyanî ne, zerdûştî ne yahudî ne elawî ne û sunî ne ax
Gelê mino; dilê mino; bi felsefa derewên neyar xwe nexapîne
Ew kesên xwîna mirovan birjîne dîn û îmanê xwe çi nîne
Çi gav gelê me ber bi rojên azadiyê diçe, birakujî dest pê dike
Gêle kurd jar û perîşan dîsa bindest dibe
Xerabûn kesekî xelas nake
Aha evîn qom û berên me ha ev e gelê kurd
Zebarî û Mizûrî ne, Dostkî, Sindî û Berwarî ne
Hewramî û Babaî ne Caf û Herkî û Berzencî ne
Hekarî û Erdelanî ne, Gor, Sor û Zengênî ne
Şikakî û Begzadî ne, Remî, Elkî û Zîlanî ne
Pencinarî û Silivî ne, Bêrtî, Jîrkî û Reşkotî ne
Omerî û Canbegî ne, Milî, Şêxî û Qeregêçî ne
Sinemîlî û Berazî ne, Mûtkî, Hesenî û Heyderî ne
Kawî Hackî û Loloî ne, her yek dijminê yekî ne
Ya star ya hawar bê lome be
Neyê serê tu kesî
Gêle kurd her şêxekî ereban, her eşîrek Efrika
Her bêrek tirkan xwe qebûl dikin milet dibin dewlet
Lê ji bo çil milyon kurd nîne maf û edalet
De hêz bikin nasekinin bixebitin û bixwînin
Tovên jînê biçînin emê mafê xwe bistînîn
Ger hûn bikin qiret ji ser xwe rakin zor û illet
Em milet in bibin dewlet

Gotin û awaz: Şivan Perwer
Aranje û harmoni: Dalshad Saîd