Sidoyê Bozo (Sidîq Karliova) – Seyîdxanê Kerr

🇹🇯 Kurmanci

Sibeye dilê min bi kul e
Bi xem e, bi birin e
Maqulê seyîd an
Îro dîsa daye pêşiyê
Hela rabe
Darê durbînê ji malê bîne
Ezê bi çiyayê Talorekê
Bi kelê Qijika
Bi Kurtika Muşê
Bi girê Resula
Bi neqeba Seyida diketim
Li ber çavê min îro
Bi temamî kire reş e..

Devê Alamanê kutaye nava guhê seklavî
Xwe daye selefî siwara
Mînayî gamêşekî boxe
Bêhna barûtê bi ser ketiye
Her daîm êrişê dibe pêş dixwaze şer e..

Ez li êrişa wî mêze dikim
Seidê Nado ye
Bi timtêlê
Cindiyê Dirbo ye
Bi girêdanê
Heci Mihemedê birê Mihê Kuzo ye
Bi qama çûyinê
Gula mala Emer
Bavê Koroxlî Kekê Feto ye
Ez dîsa bi durbînê mêze dikim
Welle ev îrişa hanê
Erişa Seyidxan bavê Silho
Apê Dewrêşe li min axao…

Ez bi kurtika Muşê diketim
Min dît li Girê Resûla welle şere
Tu bala xwe bidê
Eskerê Romê lê dikişe li hev digere
Min dî siwareki seklavî
Devê Alamanê kutaye nava guhê seklavî
Xwe daye selefî siwara
Mîna gamêşekî boxe
Bêhna barûtê bi ser ketiye
Daim êrişê dibe pêş dixwaze şer e..

Ez li êrişa wî mêze dikim
Seidê Nado ye
Bi timtêlê
Cindiyê Dirbo ye
Bi girêdanê
Rizayê Xêlid gula mala Emer
Bavê Koroxlî Kekê Fetê ye
Bi xwedê kim ev êrişa hanê
Ya Apê Dewrêş bavê Silho, Seyidxanê Kerr e…

Heyla Axao..
Te şalvar şîno
Şalê Mîdyadê bi ser berdao
Heyfa çavê reş û belek di axa sar de mao
Kul û kesera welatê Serhedê
Dîsa di dilê te de şax û rih berdao.