Teyîboyê Sêrtî – Şerê Newala Qeremûsê

🇹🇯 Kurmanci

Ere hey lê hey lê hey lê

Hey lê hey lê hey lê hey la wayê
Emîne dibê, taqîb e Gulê Xanê rebenê
Li min û li te bêkesê li vî welatê xerîb
Em ê çawa bikin li min û li te çavrijiyayê
Kula li serê sibê bi sê kula be
Bikeve derê mala bavê Smaîlê Biro
Bekçiyê Bismilê sê pa Emînê Zînê
Îro xeber dane Qereqola Farqînê
Giran e Yedincî Qolordiya Diyarbekir
Esker giran e ketiye Newala Qeremûsê
Kanîka Temo, Aşê Reşo, Satarê şêx Mihemed
Heste pişta Qoca heta dora Hilêliyê
Li ser peyayê mala bavê min rebenê
Ji xwex re girtine şargeh û kemînê

Ez bala xwe didimê Xelîlê Mala Nasir
Peyayekî delodîn ê çavbixwîn e
Bi orta tivingê digire
Ji destê cendirmakî dertîne
Bi sê denga li Elî û li Mamê dikir gazî
Dibê bi sê qeseman
Erke ne ji vî eskerê giran be
Îro çara we ji destê me tunîne
Peyayê mala bavê min rebenê
Tu car tan û niçan li xwe nedîne
Bi sê denga li Xelîlê Mala Nasir dikir gazî
Dibê, lawo terş û talanên bavê we
Li pêşiya me tunîne
Destê xwe tavêje qayîşa tivingê
Ji milan tîne
Dûrebînê li ber çavên xwe diedilîne
Derbekî davêje bejn û bala
Xelîlê mala Nasir
Bi şûşa dûrebînê kosteka saeta zîvîn e
Derbekî lê dixe şûşa dûrebînê
Ji ber çavê wî difirîne
Kosteka saeta zîvîn e lê dixe difirîne
Heya saqa cizmê
Di nava xwîna sor de dixemlîne

Ere hey lê hey lê hey lê
Hey lê hey lê hey lê hey axao
Emîne dibê, taqîb e Gulê Xanê rebenê
Li min û li te bêkesê li vî welatê xerîb
Em ê çawa bikin li min û li te çavrijiyayê
Heyanî em sax bin li heyata dinyayê
Giran e kula kuştiyên Newala Qeremûsê
Aşê Reşo, Kanîka Temo
Meytên nava dest û piyan
şehîdên mezelên Silîvanya
Gulê xwehê rebênê ji dilê me dernayê

Ere hey lê hey lê hey lê
Hey lê hey lê hey lê hey axao

Emîne dibê, taqîb e Gulê Xanê rebenê
Rabe em ê bi destê hev bigirin
Xwe bavêjin tor û bextê
Keyalerên Silîvanya
Ez ê bêjim, gelî keyaleran
Ez di bextê we û Xwedê me
Eger qisûra peyayê mala bavê min hebe
Li qisûra peyayên mala bavê min nenêrin
Ebr xerîb e ji xwe re rê nedîne

Ere hey lê hey lê hey lê
Hey lê hey lê hey lê hey axao

Emîne dibê, taqîb e Gulê Xanê rebenê
Heta em sax bin li heyata dinyayê
Em ê bêjin Lûlika ji kula dilê min re
Xweş Lûlika
Ji xêrî mala xweziyê Xwedê re
Çaxê li van peyayên mala bavê min rebenê
Lê dibû pêsîrtengî
Bila hingê ji wan re bihata
Hewara Ûnis û Evdirehman
Hirçê kezebşewitî dibê’n Qewmê Çiya
Gelî Silîvanya yeqîna we ji Xwedê bê
Weka teyrên ko îro xwe bavêje ser berata

Ere hey lê hey lê hey lê
Hey lê hey lê hey lê hey axao

Emîne dibê, taqîb e Gulê Xanê rebenê
Li min û li te bêkesê li vî welatê xerîb
Em ê çawa bikin li min û li te çavrijiyayê
Emîne dibê, taqîb e Gulê Xanê rebenê
Bejna Xelîl û Elî û Mamê zirav e
Tayek rihana li serê tehta
Ji xêrî mala xweziyê Xwedê re
Çaxê li van peyayê mala bavê min rebenê
Lê dibû pêsîrtengî
Bila hingê ji wan re bihata
Hewara Ûnis û Evdirehman
Hirçê kezebşewitî bavo Qewmê Çiya
Gelî Silîvanya yeqîna we ji Xwedê bê
Weka teyrê ko îro xwe davêje ser berata

Ere hey lê hey lê hey lê
Hey lê hey lê hey lê hey axao
Axao tu nezan î

Berxê bavê min bûyo tu nezan î
Li qeza Sason tu gula firar û eşqiya yî
Li Girkelo tu qesasê serê telesê cendirman î
Li çiyayê Xerzan tu çira bavê Elî û Evdirehman î
Diketî deşta Silîvanya
Te çima bi destê xwe agir bi xaniyê mala bavê ve danî.